Str.:
Merci, au wänn nöd herzlich doch erdig
Land ich uf dinre letschtä verwärfig
Aller fremdi nüme färni
Und bodelosigkeit wo din chärn birgt
Zum trotz ich han e sehnsucht und wotts
Gsehn us wie was?
Gsehn us wie das? Gsehn us wie?
Gsehsch du mich nie?
Dini sune staht über dinre Mitti
Ich bitt dich verschieb dich es bitzli
Immer no so stur no so gits nid
Gits nöd du bisch unerbittlich
Und letschtlich so verletzlich ich wetts nöd
Aber ich widersetz mich wie im länz
So puber trotzdäm es längt
A dim ufer en noiafang
REF.:
Du häsch mich gärn gha
das isch än fakt
du bisch ali wälte
ich splitternackt
Du häsch mich gärn gha
das isch än fäkt
du bisch ali wälte
ich splitternäckt
Str.:
A dim ufer ufrächte gang
Ich schnufe sisch ächt en chrampf
Was ich bruuche und ächt obs langt
Du da gimmer bode gschpür de sand
Dini genesis isch mini genesig
Mini hybris isch dini verwesig
Dini nemesis hebt mich seelig
Und alles was isch gsii uf ewig
Unusrottbar i de Sprach
Du so wortkarg wie min arsch
Und so global wie min arsch
Du häsch Format ich en arsch
Han dich treit i mir dis bild wie wiit
Unglaublich du bisch no so gliich
Und wie du da so liisch
ich vermiss dich
REF.:
Du häsch mich gärn gha
das isch än fakt
du bisch ali wälte
ich splitternackt
Ich bin din Ischias
Din mächtigschte nerv
Mich musch entferne
wel ich so nerv
credits
from 819 215 3/3,
track released December 16, 2016
Lyrics by Big Zis
Music written and performed by Julian Sartorius
Vocals performed by Big Zis
Mixed and mastered by Oli Bösch at Livingroomstudio, Bern
Produced by Julian Sartorius
Artwork by TIKA